Куславкка округӗнче туса лартнӑ «Чӗмсӗр чикӗсен строительствине халалласа» ятлӑ мемориал кӗҫех тата хитреленӗ. Ҫу уйӑхӗн 9-мӗшӗ валли унта йӑлтах хӑтлӑх кӗртӗҫ.
Ҫӗнтерӳ кунӗнче мемориалти музея тӳлевсӗр кӗрсе курма май пулӗ. Экскурсисене 13 сехетре тата 15 сехетре ирттерме палӑртнӑ. Унччен вара территорие 200 ытла хыр, лиственница тата кӑвак чӑрӑш лартӗҫ.
Палӑртмалла: пӗлтӗр мемориала 32 пине яхӑн ҫын килсе курнӑ. Музей пӗлтӗр юпа уйӑхӗнче уҫӑлнӑ, унтанпа 1 пине яхӑн ҫын музейпа паллашнӑ. Унта «Пушкин карттипе» те кайса курма пулать.
Куславкка муниципаллӑ округӗнче Смолин вулавӗсем« ирттересси йӑлана кӗнӗ. Кӑҫалхи поэзи уявӗ Тӗмшерте вун пӗрремӗш хут янӑранӑ.
Поэтӑн мӑшӑрӗ Людмила Смолина «Контактра» пӗлтернӗ тӑрӑх,
пӗлтерӗшлӗ те асӑмлӑ пулӑм йӗркелӳҫисем — «Куславккасем» ентешлӗх тата Куславкка муниципаллӑ округӗн администрацийӗ.
«Шӑнчас поэчӗн пултарулӑхне халӑхра анлӑн сарас сӑваплӑ ӗҫе йӗркелекенсене чӗререн тав сӑмахӗ калассӑм килет. Чӑн малтан, паллах, Чӑваш Республикин Патшалӑх Канашӗн депутатне, «Куславккасем» ентешлӗх никӗслевҫине тата ертӳҫине Юрий Зорина асӑннӑ пулӑттӑм. «Смолин вулавӗсен» тилхепине ҫултан-ҫул пур кӑмӑлтан тытса пырать вӑл. Хӑй тавра яваплӑха туякан пиҫӗ те хастар, пуҫаруллӑ ҫынсене пуҫтарма мехел ҫитерчӗ», — тесе ҫырнӑ Людмила Смолина хӑйӗн страницинче.
Чӑваш Енре пурӑнакан нумай ачаллӑ ҫемьесене патшалӑх шучӗпе ҫӗр паракан саккун пур. Юлашки вӑхӑтра ҫынсем ҫӗр вырӑнне укҫан илме пултараҫҫӗ. Тӳлев вӗсене пӗр хутчен лекет.
Шӑпах ҫавӑн пек майпа усӑ курнӑ та Куславкка муниципаллӑ округӗнчи Энтри Пасар ялӗнче пурӑнакан Лукиновсем. Вӗсем ҫӗр вырӑнне укҫа сетификатне суйласа илнӗ.
Еленӑпа Владимирӑн виҫӗ ача. Хӗрарӑмпа арҫын тӑван ялта ӗҫлеҫҫӗ.
«Ҫӗр лаптӑкӗ вырӑнне укҫа илме май килнишӗн эпир питӗ савӑнтӑмӑр. 250 пин тенкӗ укҫана эпир хваттер туянма ярасшӑн», — тенӗ виҫӗ ача амӑшӗ.
Куславкка районӗн прокуратури Куславкка хулинчи икӗ шкула тӗрӗсленӗ. Стандартпа тата санитари правилисемпе килӗшӳллӗн, туалетпа столовӑйӗнче кӑна мар, ятарлӑ вӗренӳ класӗсенче те вӗри шыв пулмалла. Ҫав шута 1-4-мӗш классен пӳлӗмӗсем, физика, хими, биологи пӳлӗмӗсем, лабарантски кӗреҫҫӗ. Ҫав икӗ шкулта вара ҫак йӗркесене пӑхӑнман.
Прокуратура суда икӗ тавӑҫ тӑратнӑ. Унта ведомство шкулсенчи пӳлӗмсене вӗри шывпа тивӗҫтерме ыйтнӑ.
Куславкка муниципаллӑ округӗнче прокуратура ҫичӗ ача амӑшне хӳтӗленӗ. Хӗрарӑм ҫурт-йӗр туянма тӑрсан ӑна патшалӑх пулӑшӑвӗ пама хирӗҫленӗ-мӗн.
Ведомство тӗрӗслев ирттерсен ҫакна палӑртнӑ: ҫемье ҫурт туняма тӑрсан ЧР Строительство министерстви пӗр хутчен паракан тӳлевпе тивӗҫтерме хирӗҫленӗ. Мӗншӗнне те палӑртнӑ: ҫемьен 121 тӑваткал метрлӑ пурӑнмалли икӗ кӗтес пур. Ку вара нормӑран ытларах. Анчах прокуратура пӗр ҫурчӗ, 61,3 тӑваткал метрли, пурӑнма юрӑхсӑр пулнине палӑртнӑ.
Прокуратура нумай ачаллӑ ҫемье ятӗнчен суда тавӑҫ тӑратнӑ. Суд ӑна тивӗҫтернӗ, ҫапла ҫемье сертификата тивӗҫнӗ, хӑтлӑ хваттер туяннӑ.
Нарӑс уйӑхӗн 8-мӗшӗнче 17 сехет те 5 минутра ҫӑлав службине шӑнкӑрав килнӗ: Куславкка округӗнче, Атӑл ҫинче, арҫын пулла кайсан юрҫӳренӗпе юр ӑшне кӗрсе ларнӑ та тухайман. Вӑл 3 сехет хӑй тӗллӗн тухма хӑтланнӑ. Анчах пултарайман.
Юлашкинчен пулӑҫ юлташӗнчен пулӑшу ыйтнӑ, лешӗ ҫӑлавҫӑсем патне шӑнкӑравлама сӗннӗ.
Ҫӑлавҫӑсем вырӑна ҫитсен юрҫӳрене юр ӑшӗнчен кӑларнӑ та пулӑҫа ҫыран хӗррине ҫитме пулӑшнӑ.
Куславкка муниципаллӑ округӗнчи Энтри Пасар шкулӗнчи ачасене илсе ҫӳрекен автобусӑн ОСАГО полисӗн срокӗ тухнӑ, вӑл вара ҫаплах ачасене турттарнӑ. Прокуратура «сӑмса чиксен» кӑна ҫӗнӗ документ тунӑ.
Тӗрӗслев хыҫҫӑн прокуратура шкул директорӗ тӗлӗшпе представлени ҫырнӑ. Шкул ертӳлӗхӗ тӗлӗшпе ачасене кашни кун ОСАГО полисӗсӗр илсе ҫӳренӗшӗн административлӑ ӗҫсем пуҫарнӑ. Кун хыҫҫӑн автобус валли ҫӗнӗ ОСАГО хатӗрленӗ.
Куславкка муниципаллӑ округӗнчи Елчӗк ялӗнче пурӑнакан Денис Аванский кашни ҫулах юртан мӗн те пулин ӑсталать. Хальхинче вӑл шӑллӗсемпе Иван Шишкинӑн «Утро в сосновом бору» картинине евӗрленӗ. Кун пирки «Про Город» хаҫата халӑх корреспонденчӗ пӗлтернӗ.
Денис ӗҫ тӑватӑ кунра туса пӗтернӗ. Композицие вӑл йӑлтах юртан ӑсталанӑ. Ку ӗҫре ӑна шӑллӗсем пулӑшнӑ.
Гигиена тата эпидемиологи центрӗ пӗлтернӗ тӑрӑх, Чӑваш Енре пӗлтӗрхи 10 уйӑхра 46 ҫын коклюшпа чирленӗ, 11 уйӑхра ку кӑтарту 93-е ҫитнӗ.
Патӑрьел, Муркаш, Комсомольски, Шӑмӑршӑ, Етӗрне муниципаллӑ округӗсенче - 1-ер ҫын, Тӑвай округӗнче, Улатӑрта тата Ҫӗмӗрлере - 2-шер ҫын, Куславкка округӗнче, Канашра - 3-шер ҫын, Шупашкар округӗнче - 6 ҫын, Ҫӗнӗ Шупашкарта - 24 ҫын, Шупашкарта 46 ҫын коклюшпа чирленӗ. Пурте -17 ҫул тултарман ачасем.
Чирленисенчен 75-шӗ - коклюшран прививка туманнисем.
Шупашкарти музейсем Ҫӗнӗ ҫул тӗлӗнчи вӑрӑм канмалли кунсенче те ӗҫлӗҫ. Кӑрлач уйӑхӗн 2-7-мӗшӗсенче Чӑваш наци музейӗ, Чӑваш тӗррин музейӗ, В.И. Чапаев ячӗллӗ музей тата Куславкка тӑрӑхӗнчи «Чӗмсӗр чикӗсен строителӗсене» мемориал ӗҫлӗҫ.
Музейпа курав центрӗ куракансене кӑрлач уйӑхӗн 2-6-мӗшӗсенче йышӑнӗ, К.В. Иванов ячӗллӗ Литература музейӗ — кӑрлач уйӑхӗн 4, 5 тата 6-мӗшӗсенче, Ҫеҫпӗл Мишши музейӗ — кӑрлачӑн 5-мӗшӗнче.
Кӑрлач уйӑхӗн 8, 9-мӗшӗсенче музейсенче канмалли кунсем пулӗҫ, 10-мӗшӗнчен Чӑваш наци музейӗпе унӑн филиалӗсем ытти чухнехи режимпа ӗҫлеме тытӑнӗҫ.
+0.3 °C